خبرگزاری رها به نقل از اطلس ـ «حفیظ الله حفیظ» رئیس دفتر مطبوعات وزارت معادن و نفت از مذاکرات مقامات کشورمان با مقامات تاجیک جهت انتقال نفت خام از افغانستان به تاجیکستان خبر داد.
وی گفت: هنوز به توافق نهایی نرسیده ایم و هیچ سندی امضا نشده است، ولی اتفاق نظر دو طرف ما را به عملی شدن این طرح امیدوار کرده است.
دوشنبه، پایتخت تاجیکستان یکی از صادر کنندگان برق به افغانستان است و به گفته وزارت اقتصاد، تاجیکستان قرار است در ازای وارد کردن نفت از افغانستان، صادرات برق به کشور را افزایش دهد.
مناطق شمالی کشورمان که هم مرز با تاجیکستان است یکی از مهم ترین منابع نفتی کشور به شمار می رود که به سهولت می توان آن را به تاجیکستان منتقل کرد.
دیدگاهتان را بنویسید