نادر نادری، رئیس کمیسیون مستقل اصلاحات اداری و خدمات ملکی می‌گوید، با عملی شدن این طرزالعمل سهولتهای بیشتر برای افراد دارای معلولیت در بخش‌های اعلام بست‌های خالی، ایجاد کمیته‌ها، نمرات امتیازی برای و ظرفیت‌سازی برای معلولان بوجود می‌آید.
به گفته آقای نادری، هم‌اکنون درتمام دستگاه خدمات ملکی نزدیک به 3 هزار معیوب و معلول که 0.8 درصد را تشکیل می‌دهند، مشغول کاراند.
اما احمدشاه اعظمی، نمایندۀ کمیتۀ افراد داری معلولیت شمار کارمندان معلول در اداره‌های دولتی را کافی نمی‌داند و می‌گوید، با توجه به قانون حداقل 3 درصد کارمندان خدمات ملکی را باید معلولان تشکیل دهد.
همه ساله از سوم دسمبر به عنوان روز جهانی معلولین در سراسر جهان گرامی‌داشت می‌شود.